Tepişteyanê PKK û PAJKî 27ê teşrîna peyêne de zîndananê Tirkîya û Vakurê Kurdîstanî de vera tecrîdkerdişê Rayberê Şarê Kurdî Abdullah Ocalanî û binpaykerdişê heqan grevê vêşanîye yê bêdem-bidore dabi destpêkerdene. Grevê vêşanîye yê tepişteyan bi koma 4. roja 19. de dewam keno. Keyeyê tepişteyan bi vatişê ''Waştişê domanê ma waştişê ma yê'' paştî danê grevî.

Zîndanê Bunyanî yê Kayserî de tepişte Mehmet Kurtê 49 serreyî  bi rayîrê telefonî keyeyê xo de qisey kerd û qala binpaykerdişê heqan kerde. Kurtî da zanayene ke heqê înan ê bingeyî yî destê înan ra ameyî girewtene û vat: ''Goreyê verî teda û zorbazî zêdîyayî. Dest nîyeno radyo, televîzyon û rojnemeyanê ma ser.''

Kurtî pare kerd ke heta ke waştişê înan nêrê caardene ê do çalakîya grevê vêşanîye dewam bikerê. Kurtî vat: ''Eke grevê vêşanîye yê bidore netîceyêke nivisno destî ma do grevê xo bivurnê grevê vêşanîye yê bêagêrayîşî.''

Merdimanê Mehmet Kurtî waşt ke cade şertê tepişteyan bêrê caardene.

Tepişteyî Vedat Sevîm, Cengîz Oner û Mahmut Yamalak Zîndanê Bunyanî de sey koma 4. grevê vêşanîye dewam kenê.