Tepişteyê Zîndanê Kiriklarî Sertaç Kiliçaslanî pêvînayîşê telefonî de derheqê binpaykerdişanê heqanê înan de qisey kerd. Kiliçarslanî îfade kerd ke çalakîya înan a grevê vêşanîye dewam kena.

Kiliçarslanî ard ziwan ke ê tecrîdê vera Rayberê Şarê Kurdî qebul nêkenê û vat: ''Ma têna wedaritişê tecrîdî nêwazenê. Ma wazenê Ocalan azad bibo. Eke dewlete Rayberê ma azad bikera haştî, azadî û demokrasî zî do bêrê. Ganî her kes wayîrê grevê vêşanîye vejîyo. Keyf û coşê ma ca de yo.''

Kiliçarslanî bale ante binpaykerdişanê zîndanî ser û vat: ''Pêro cayî ma rê qedexekerde yê. Rojnameyê Yeni Yaşamî nêdîyeno ma. Dest nanê radyoyê ma ser. Her roje odayê ma cigêrîyenê, qaşo pandemî esta.''