Tepişteyan vera tecrîdkerdişê Rayberê Şarê Kurdî Abdullah Ocalanî dest pê çalakîya grevê vêşanîye kerdbi. Koma 3. roja 11. de grevê vêşanîye dewir girewt.

Zîndanê Tarsusî ra Mehmet Abay û Vedat Bektaşî grev dewrê Veysî Denîzhan û Serhat Borakî kerd. Tepişteyan Denîzhan û Borakî no mesaj da: ''Ma qerardar ê ke tecrîd pê xoverdayîşî bişiknê. Ma soz danê ke ma do pê ruhê 14ê Temmuze wayîrê têkoşînî vejîyê û nê ruhê xoverdayîşî pê serkewtişî tacîdar bikerê. Xoverdayîş û raştîye do ser bikewê.''

Hetê bînî ra Zîndanê Erziromî de zî Hamîde Yuksel û Zeynepe Yildirim dest pê grevê vêşanîye kerd.