Tepişteyê bi nameyê Şaban Kaygusuz 19ê teşrîna verêne d ebi bahaneya 'asayîşî' Zîndanê Amedî ra sewqê Zîndanê Bunyanî yê Kayserî ame kerdene û wextê sewqî de ci rê cigêrayîşo rût ame ferzkerdene. Keyeyê Kaygusuzî muracatê Komeleya Heqanê Merdiman a Dîlokî kerd û gerreyê îşkenceyî kerd.

Dadîya Şaban Kaygusuzî Durîye Kaygusuz bale ante ser ke lajê ci se ra 90 astengdar o, destêk û caqêkê ci çin ê û vat: ''Ganî pêro tepişteyê nêweşî bêrê veradayene. Bê embazanê xo lajê mi nêeşkeno kincanê xo zî bivurno.Lajê mi na ceza heq nêkeno.''

Birayê Şabanî Muhammed Kaygusuzî vat: ''Ma nê îşkenceyî qebul nêkenê. 5 kesan hêrişê kesêkê astengdarî kerdo û kincê ci dirnayî. Ganî heyetêk şoro uca û cigêrayîşî bikero.''