Zîndanê Ereglî yê Konya de 4ê teşrîna verêne de, 40 tepişteyan vera tecrîdê giranî û binpaykerdişê heqan grevê vêşanîye dabi destpêkerdene. Tepişte Yakup Brukanliyî vera tecrîdî 28ê teşrîna verêne de bedenê xo dabi adirî ver.

Tepişteyê grevê vêşanîye hucreyê yewkesî de tepişîyenê. Tepişteyê bi nameyê Mehmet Işiktaşî pêvînayîşê bi keyeyê xo de da zanayene ke 11ê tebaxe ra nata tepişteyî hucreyê yewkesî de tepişîyenê. 

Işiktaşî vat: ''Embaz Yakup bedenê ey de asta diyîne de birînê şewatî est ê. Mil, ling û destê ey nêgênê. O hema zî hucre de tepişîyeno. Beno ke enferksîyon bigêro. Yakup wazeno şoro nêweşxane, la ey nêbenê. Ma wazenê wa embaz Yakup biwedarîyo nêweşxane, ma koxûşan de bêrê cakerdene, saetê hewagirewtişî bizêdîyê, kerdişê xirabî wa biqedê.''

Işiktaşî da zanayene ke heta ke waştişê înan bêrê qebulkerdene ê do grevî rê dewam bikerê û venga rêxistinanê heqanê merdiman da ke wa bêrê zîndanî.