Mahmut Temelo ke Zîndanê Sêrtî de tepişte yo pê telefonî keyeyê xo reyde qisey kerd. Temelî waya xo Kurmî Alagaş reyde qisey kerd û vat ke di hewteyî verê cû di reyî spazma qelbî derbaz kerd.

Temelî îfade kerd ke vera vîrusê Korona zîndanan de tedbîrêk ame girewtene, her ke şino heqê tepişteyî hîna zêde yenê binpaykerdene. Temelî vat: ''Mi di hewteyî verê cû di reyî spazma qelbî derbaz kerde. Reyêk ez wedarîyaya nêweşxane. Nika hol a. Awa şimitişî kêm a, awa germe nêdanê. Vera vîrusê Korona tedbîrêk nêame girewtene. Malzemeyê pakîye û hîjyenî nêdîyenê. Ma wazenê pê pereyanê xo wazenê bihêrînê la nêverdenê. Zîndan de xebata dezenfekte nêna kerdene. Seba ke ma binpaykerdişê heqan ê zîndanî vanê ma rê cezaya dîsîplînî danê. Ma do vera naye îtîraz bikerê. Ne ma benê nêweşxane ne zî doktoran anê tîya. Koxuşan de ma 13 kesî manenê. Ma pê hêvîya mergî vera dîyenê.''

Kumrî Alagaş vat birayê ci de 4 serrî verê cû şertanê zîndanî ra nêweşîya qelbî bîye, nika zî di reyî ci rê spazma qelbî bîyî û senî ke ê pê rewşe hesîyayî zîndanî rê telefon kerd. Zîndanî keyeyî rê vat ke çîyêk nêbîyo, birayê aye weş o.

Kumrî Alagaş waşt ke pêro tepişteyê sîyasîyî cade bêrê veradayene.