Tepişteyo nêweşê kanserî mîyanê lapanê mergî de ame verdayene

Mehmet Salîh Fîlîzo ke Zîndanê Odemîşî yê Îzmîrî de tepişte yo, nêweşê kanserî yo la rîxmê janî zî nêno weşkerdene.

Mehmet Salîh Fîlîz Zîndanê Odemîşî yê Îzmîrî de tepişte yo. Wextêkê dergî ra nata tede nêweşîyê kanserî, helîyayîşê asteyan û werem estê.

Fîlîzo 23 serre rîyê vîrusê Korona ra binê rîskêkê pîlî de yo. 8ê nîsane de roja çarşemeyî pê telefonî birayê xo reyde qisey kerd. Birayê ci Şehmuz Fîlîzî bale ante binpaykerdişê heqanê tepişteyan ser. Şehmuz Fîlîzî îfade kerd ke ganî seba weşkerdişê kanserî 14 rojan de yew derzin bêro dayene birayê ci la nêame kerdene. Şehmuz Fîlîzî ard ziwan ke birayê ci lapanê mergî de ame verdene û vat: ''Ma seba rewşa weşîya ey qerqilîyenê. Rîyê vîrusî ra birayê mi nêbenê nêweşxane labelê zîndan de zî nêewnîyenê ci. Ganî selahîyetdarî pê paketa peyêne ya înfazê ceza tepişteyanê sîyasîyan zî vera bidê.''