Zîndanê bi Asayîşê Berzî yê Antalya de Mehmet Abay ajansê Mezopotamya rê mekrubêke şawite û tede da zanayene ke 3yê sibate de Zîndanê Tarsusî ra surgunê Zîndanê Antalya ameyo kerdene. Tepişteyê sîyasî Mehmet Abayî dîyar kerd ke o 7 mengî yo statuyê cezaya zîndanî ya muebeda girankerde de, binê tecrîdêkê giranî de yo.

Abayî ard ziwan ke o teyna rojêke de saetêke eşkeno vejîyo warê hewagirewtişî. Abayî vat: ''Vera binpaykerdişanê heqan mi muracatê zaf cayan kerd la qetî cewab nêdîya mi. Bi taybetî îdareyê zîndanî na babete de qetî mesuldarî nêgêno xo ser û vano 'Na babete wezîrîya edaletî eleqedar kena.' Ez wazena ke wa no tecrîd biqedo û ez tepişteyanê bînan reyde bimana.''