Kesayetanê welatanê cîya-cîyayan The Guardianî rê nameyek nuşte ke bi galanê Dewleta Tirkan tena xoverdayîşê vera DAÎŞî ney eynî wextî de vera krîzê şaristanîya hazire kapasîteya merdimîye ya berardişê alternatîfan zî tehlîke de ya. Nameye de ame dîyarkerdene ke Serekkomare Tirkîya Erdogan her çiqas “adirbest” bêro îlankerdene zî teknîkanê çinkerdişî yê Seserra 20.e xebitneno, vera sîvîlan çekanê kîmyewîyan xebitneno û cergê cîhadîstî sîvîlan qetil kenê.

Nameye de ame nîşankerdene ke DYA, Rusya, Brîtanya, Fransa û dewletê bînî bi destûrdayîşê pakîya etnîkî û îşxalî huquqê mîyanneteweyî û Peymana Cenevre girewta binê payan û ame vatene ke tek armancê Tirkîya çinkerdişê tecrubeyê serkewte û çer ê Rojawanî yo ke teberê sîstemê globalî de tecrubeyeko serkewte yo. Nameye de ame vîrîfîştene ke Vakur û Rojhelatê Surîye de 5 mîlyon Kurd, Ereb, Asurî, Tirkmen, Êzîdî û şar û raameyîşê cîyayî estê û mîyanê sîstemekê serkewteyî yê demokrasîyê radîkalî de,bi sîstemê xoîdarekerdiş û têduştîye  bi hawayekê haştîyanê ciwîyenê. 

Nameye de çekan bi Tirkîya rotiş ame şermezarkerdene û ame vatene ke Ocalan vano “hêzê modernîteya kapîtalîste çek û pereyê xo nîyê, hêzê ci bi lîberalîzmê xo fetisnayîşê kapasîteya her tewir utopya  yo. Nameye de seba pawitişê Rojawanî venga her kesî dayîya ke wirzê payan ser û ame nîşankerdene ke Rojawan seba eynî armancê zafêrîyê dinya xo ver dano. Nameye de ame dîyarkerdene ke xoverdayîşê şaran pabesteyê yewbînan o û tewr hêzek nêeşkeno ke vurenayîşanê ke nêşînê apayde bêrê açarnayene asteng bikero. Nameye de ame nîşankerdene ke ê do bi nameyê tevgeranê komelkî, komel û şaranê cayîyan û bereyanê înan do paştgîrîya vîzyon û keda Rojawanî bikerê û vajîya ke seba xoverdayîş, pawitiş û xoverdayoxîya Rojawanî do duayan bikerê. Nameye de ‘merdimîye’ ameye dewletan û wayîranê hêzî vîrî fîştene û înan ra ame waştêne ke peynîya  îşxalî biyarê.

Kesayetanê ke îmza eşta ci nê yê: 

LaDonna Brave Bull Allard Standing Rock, Turtle Island (USA)
Salim Dara Rural Solidarity, Benin
Eve Ensler One Billion Rising, USA
Sabine Lichtenfels Tamera Peace Research Center, Portugal
Tiokasin Ghosthorse First Voices Indigenous Radio, Turtle Island (USA)
Alnoor Ladha The Rules, Canada
Gildardo Tuberquia Peace Community of San José de Apartadó, Colombia
Yael Ronen Maxim Gorki Theater, Germany
Sami Awad Holy Land Trust, Palestine
Gigi Coyle Beyond Boundaries, USA
Joshua Konkankoh Better World, Cameroon
Stuart Basden Extinction Rebellion, UK
Aida Shibli Global Campus, Palestine
Claudio Miranda Favela da Paz, Brazil
Rajendra Singh Tarun Bharat Sangh, India