Meclîs de dergkerdişê tezkereyê Azerbaycanî ame qebulkerdene. HDPyî ra ber 4 partîyanê sîyasîyan zî raya 'heya' daye.  

Meclîs de nameyê koma HDPyî ser o Wekîlê HDPyî yê Mersînî Ridvan Turanî qisey kerd û polîtîkaya teberî ya AKPyî rexne kerde.

Turanî ard ziwan ke zereyê Erdoganî de Enver Paşayêk esto û pare kerd ke Erdogan zî do sey ey leşkeran bero mergî. Turanî îfade kerd ke Erdogan hînî nêeşkeno welat îdare bikero.

Turanî peynîya qiseykerdişê xo de vat: ''Rengê raya ma do semedê dinyaya ke tede şar mîyanê haştîye de ciwîyeno bibo.''