Dewleta tirke amadekarîye kena ke Lîbya, Azerbaycan, Karabag, Yemen, Başûrê Kurdîstanî ra dima nika zî vera Hîndîstanî cerganê xo bierşawa Keşmîro ke statuyê ci cayê nîqaşan o.

Goreyê zanayîşanê ke ANFyî çimeyanê herêmîyan ra girewtî, sercergê Tugayanê Suleyman Şahî yê Artêşa Mîllî ya Sûrîye (SMO) Ebû Emşayî 5 rojî verî endamanê xo yê Efrînî rê vat ke dewleta tirke wazena Keşmîrî rê sewqîyat bikera.

Ebû Emşayî vat ke fermandarê artêşa tirkî sercerganê bînan ra zî lîsteya ê cerganê ke wazenê şorê Keşmîr bigêrê. Goreyê vatişanê Ebû Emşayî her cerg sey maeş do 2 hezar dolar fon bigêro. 

Çimeyanê herêmîyan eşkera kerd ke dewleta tirkewextêkî ra nata Ezaz, Cerablus, Bab, Efrîn û Îdlîb de amadekarîya weçînayîşê cergan kena.

Dewleta tirke meseleya Keşmîrî de perrê Pakîstanî gêna û Pakîstan sey Katar paştî dano îşxalê dewleta tirke yê vera Rojawanî. 

Meseleya Keşmîrî

Rojanê peyênan de Keşmîr de alozîya mabênê Hîndîstan û Pakîstane û hêrişî zêdîyayî. Xoserîya serra 1947î ra nata Keşmîr parçekerde yo. Wird welatî zî wazenêKeşmîr bivisnê destî. Şeranê Keşmîrî de zafê ci sivîlî bi desan kesî merdî.

Têkilîya Pakîstan-Tirkîya zî serranê peyênan zaf aver şîye. Wird welatîxeylêk babetan de tewirê hemparî mojnenê û sere de ekonomî warê enerjî û pawitişî de hemkarîye kenê. Dewleta tirke kena ke Başurê Qibrisî yo ke binê îşxalê tirkan de yo hetê Pakîstan, Azerbaycan û Lîbya ra bişinasîyo.