Goreyê raporê  Meclîsê Asayîşê Karî û Weşîya Karkeran (ÎSÎG) menga teşrîna verêne de tewr tay 155 karkerî merdî. 

ÎSÎGî pare kerd ke raporî gore zanayîşanê çapemenîya herêmîye û neteweyî, keye û merdimanê karkeran, pisporanê asayîşê karî, doktorê karkeran û sendîkayan ra ame amadekerdene. Goreyê raporî menga teşrîna verêne de 155 karkerî merdî û zafê înan beşanê karanê zîretî, înşaatî, bazirganîye, tekstîlî û şayîye de xebitîyayêne. Raporî de bale ameye anetene ser ke karkerê ke merdî, exlebî bê sîgorta xebitîyayêne. Gore raporî mergî zafê sebabanê trafîkî, erdrokewtişî, xokiştişî, jehrîkewtişî, elektîrîkî ra yê.

ÎSÎGî vat : "Sebebê mergan tewr nêbedilîyenê la tedbîrî nênê girewtene. Desstpêkê serre ra nat 1477 karkeran wefat kerd. Tirkîya cînayetanê karan de wayîrê namêkê xirab a. Doneyê aşma teşrîna verêne mojnenê ke mergî bîy zêde.''