Têgêrayîşê Cinîyan ê Kurdan ê Ewropa (TJK-E) bi wesîleya 10ê Kanûne Roja Abdullah Ocalanî rê Azadîye eşkerayîyêke daye.

Eşkerayîye de ame vatene ke tecrîdê vera Abdullah Ocalanî û hêrişê vera Kurdîstanî bêmabên dewam kenê. TJK-E vat: ''Sere de CPT bêvengîya dezgehan ê mîyanneteweyîyan îqtîdarê AKP-MHPyî rê paştdayîş o. Îqtîdarê AKP-MHPyî destkewteyanê kurdan hedef keno û bi nameyê kurdayetîye çita bibo dest nano ser. Cinî, ciwan û şarê kurdî ganî vera faşîzmî têkoşînê xo pîl bikerê. Tek rayîrê azadîye no yo. Ma vanê 'Azadîya Rayber Apoyî azadîya ma ya.' Rayîro tewr manadar dormeyê Rayber Apoyî de kombîyayîş o.

Înîsîyatîfê Ocalanî rê Azadîye 10ê kanûne sey Roja Abdullah Ocalanî rê Azadîye îlan kerde. Bi na wesîle 11ê kanûne de seba azadîya Ocalanî çalakîyî do bêrê kerdene. Ma venga pêro kurdîstanijan û dostanê înan danê ke tewrê çalakîyan bibê.''