Dîwanê Hemserekîye yê KCDK-E derheqê 10ê Kanûne Roja Abdullah Ocalanî rê Azadîye de eşkerayîyêke daye.

Eşkerayîye de ame vatene ke tecrîdkerdişê Rayberê Şarê Kurdî Abdullah Ocalanî pê destê dewleta tirke û pê paştdayîşê dezgehanê Ewropa yeno caardene. KCDK-E pare kerd ke dewleta tirke tecrîdê Îmraliyî pêro Tirkîya rê vila kerdo.

KCDK-E vat: ''Bira Komîteya Wezîran a Konseya Ewropa girîng a labelê dewleta tirke na bire qebul nêkena. Rayber Apo hêvîya kurdan û şaranê Rojhelatê Mîyanênî yo. Tecrîdê vera Rayber Apoyî yeno manaya şerê vera ameyoxê şaran. 

Dezgeh, roşnvîr, kesayet û rêxistinê demokratîkî zî tede Înîsîyatîfê Ocalanî rê Azadîye 10ê kanûne sey Roja Azadîya Abdullah Ocalanî îlan kerde. Bi wesîleya na roje do çalakîyê pîlî 11ê kanûne de bêrê kerdene. Ma venga pêro şarê Kurdîstanî, roşnvîr, hunermend, ekolojîst, pawioxanê heqanê merdiman û demokratan danê ke tewrê nê çalakîyan bibê.''