Binpaykerdişê heqanê tepişteyan dewam kenê. Zîndanê Tokatî de tepişteyanê nêweşan Suat Oguz û Mehmet Tîryakî rê seba ke cigêrayîşê zereyê fekî red kerdo 3 mengan qedexeyê pêvînayîşî ame dayene.

Keyeyanê wird tepişteyan da zanayene ke seba ke tepişeyan cigêrayîşê zereyê fekî red kerdo dermanî nêdîyayê înan û ê nêameyê berdene bi nêweşxaneyî.

Suat Oguz 13 serrî verî Sêrt de tepişîyabi û cezaya muebede dîyabi ci. Oguz de nêweşîyê Hepatît B, fitiq û cigêran est ê.  Babîyê ey Rifat Oguzî pare kerd ke lajê ci seba ke vera binpaykerdişê heqan vejîyayo qedexeyê pêvînayîşî dîyayo ci.

Birayê Mehmet Tîryakîyî Serkan Tîryakîyî zî îfade kerd ke sereyê birayê ci de parçeyê şarapnelî est ê û nêweşîyê ci yê bînî est ê.