Hemsereka Pêroyî ya DEM Partî Tulaye Hatimogulli kombîyayîşê  koma ya heftane de rojedem erjna.

Tulalaye Hatimogullari vist vîrî ke menga teşrîna verêne de 34 cinîyî û 8 menganê verênan ê serra 2024î de 261 cinîyî ameyî qetilkerdene û vat: ''Camêrdî nê cesaretî ça ra genê? Seba ke hukm nîno caardene, camêrdî cesaret genê. Îqtîdar tim vera cinîyan qale keno û camêrdî zî nê ra cesaret genê û cinîyan qetil kenê. Îqtîdar û çapemenîya ke xizmetê îqtîdarî de ya nê kiştişê vera cinîyan sey çîyêkî nomalî genê dest. Hinî bes o. Mergê yewna cinî rê tehemulê ma nêmend. Vera şîdetê camêrdan ganî polîtîkayî tedbîrgirewtişî bêrê caardene.''

Hatimogullari bale ante polîtîkayê şerî û krîzê ekomonîkî ser û wina  dewam kerd: ''Ma nê prosesî de her hetî ra şarî reyde pêvînîyîşî kerdî. Şar vêşan û feqîr o. Şar nêeşkeno îdareyê xo bikero, hinî dayo çala qirike. Her roje zemî benê. No îqtîdar ganî bêro wardayene. Ganî pêro Tirkîya hinî semedê haştîye destê xo bikero binê kerra.

Tirkîya de ganî meseleya kurdan bi metodanê demokratîkan bêra çareserkerdene. Sûrîye de zî kurdê ke bîyî nizdî ke statu bifîne dest ganî paştî bidîyo înan. Tirkîya ganî sey fermî eşkera paştî bido ci.  Wa qet kes xo vîra mekero ke rayîrê haştîye yê herême tîya ra ravîyareno. Verî ganî tecrîdê serê Birêz Abdullah Ocalanî bêro wedaritene.

13ê teşrîna verêne de ma do bi vatişê 'Abdullah Ocalanî rê azadîye, meseleya kurdan rê çareserîye' pîya bi des hezaran Amed de bê. Ma wazenê Amedî ra vengê haştîye biresnê, Anqara, Îstanbul,ma wazenê Amedî ra vengê haştîye biresnê Beyrut û Filistinî, vengê haştîye biresnê Urayna û Tayvanî.

Ma bi nameyê partîya xo veng danê îqtîdar û muxalefetî; Semedê çareserkerdişê probleman senî yew programê înan est o? Wa programê xo şarî rê eşkera bikerê. Ma sey DEM Partî senî ke ma vizêr haştîye waşte ma ewro zî eynî çî wazenê. Ma haştîya bianore wazenê. Semedê nê çi bedel û têkoşîno ke hewce keno ma do bidê. Ma semedê dîyalog û muzakereyan hazir ê. Pê qale nê ganî pratîk de çareserî bibo. Têna verê kamara de pê vatişê di qalan nêbeno. Ganî programo somut bêro eşkerakerdene.''