Wekîla HDPyî ya Adana Tulaye Hatîmogullari polîtîkayê asayîş û şerî yê Tirkîya ANFyî rê ercnayî.

Tulaye Hatîmogullari meseleya qefilnayîşê HDPyî û tedaya vera HDPyî vist vîrî û ard ziwan ke îqtîdarê Erdoganî Tirkîya açarneno serranê 90an. Wekîle Tulaye îfade kerd ke meseleya verêne ya Tirkîya ekonomî ya û budçeyê serra 2021î zî sey her wextî seba şar nê seba şerî ame amadekerdene.

Tulaye Hatîmogullari derheqê ambargoyanê Tirkîya de zî wina qisey kerd: ''Polîtîkayê dewleta tirke verê çiman de yê. Tirkîya Dengizê Sipî, Sûrîye, Lîbya û Efrîn de îşxalan keno, cergê DAÎŞî Efrîn de ca kerdî û pakîya etnîke kena. Şar bedelê nê polîtîkayan dano.''

Tulaye Hatîmogullari derheqê nîqaşanê 'qefilnayîşê HDPyî' de wina vat: ''HDP xeta sîyasî ya kurdan û çepgîran a. Meclîs û kuçeyan de vera ma hêrişî yenê kerdene, embazê ma tepişîyenê û ma rê gefê qefilnayîşê partî yeno wendene. La ê reyna zî nêeşkenê ser bikewê. Wa se kenê bikerê HDP payan ser o yo.''