Hemserekê Pêroyî yê DEM Partî Tuncer Bakirhanî şayîya Newroze ra dima Saraçhane de Serekê CHPyî Ozgur Ozelî reyde eşkerayîyêka hempare daye.

Ozelî da zanayene ke înan wextê raydayîşî yê seba dîyarkerdişê namzedîya serekkomarîye derg kerdo. Ozelî Newroza şarî fîraz kerde û vat: ‘’Newroze destpêk û ganîbîyayîş o. Qerardarîya ma ya seba demokrasî û têkoşînê hemparî yê seba haştîye do dewam bikera.’’

Bakirhanî zî vat: ‘’Ma tim vera darbe yê. Ewro zî xîretê darbeyêke est o. Îstanbul şaredarîya tewr pîle yo. Nê prosesî de ke qalê haştîye û çareserîye yeno kerdene ganî nê kerdişan ra fek vera bêro dayene. Wa îqtîdar verê îradeyê şarî de hûrmet bikero.’’

Bakirhanî cewab da persanê rojnamegeran zî û vat: ‘’Tirkîya hewceya tepişîyayîşê Îmraliyî ney hewceya demokrasîyî ya. Ganî îqtîdar vengê şarî bieşnawo. No operasyon şarê Tirkîya rê xizmet nêkeno.’’