Beşê destpêkî yê karê Komîteyê Qanunê Bingeyênî yê Surîye rest peynîye. Êno pawitene ke dişeme de desteyê nuştişî yê qanunê bingeyênî ya ke 45 kesan ra êna pê do kom bibo û do kombîyayîş bi nê hawayî dewam bikero.
Beşê destpêkî yê karê Komîteyê Qanunê Bingeyênî yê Surîye ke 30ê teşrîna verêne de bi bereyîya Neteweyanê Yewbîyayeyan ofîsî Neteweyanê Yewbîyayeyan ê Cenevre de dest pêkerd vizerî şande rest peynîye.
Kombîyayîşê komîteyî bi 150 delegeyan hîrê rojî yo dewam keno. Temsîlkaro taybet ê Neteweyanê Yewbîyayeyan ê Surîye Geir Pedersenî derheqê kombîyayîşî de qisey kerd û îdîa kerd ke beşê destpêkî yê kombîyayîşê komîteyî bi kêmasîyanê qijan bi hawayeko serkewte ame kerdene.
Pedersenî dîyar kerd ke mîyanê kombîyayîşê hîrê rojan de temsîlkarê rejîmî, muxalefet û komelê sîvîlî derbarê qanunê bingeyînî de nîyadayîşê xo ardî ziwan û vat, “eynî wextî de nîyadayîş û pêşnîyarê endamanê komîte amey goşdaritene.”
Pedersenî ard ziwan ke komîteyê qanunê bingeyênî yo ke 150 kesan ra êno were ra dima desteyê nuştişî yê qanunê bingeyênî yo ke 45 kesan ra êno pê ame weçînitene û vat “na koma ke 45 kesan ra ameya pê û seba xebatanê qanunê bingeyênî ameya weçînitene do dişeme de bêra pêser û hefteyek bigurîya.”
