Îqtîdarê AKP-MHPyî narey zî tûtinroşanê Semsûrî keno hedef. Wezîrîya Zîret û Daristanan bê 'dokumentê selahîyetî' bazirganîya tûtinî qedexe kerdbi. Vera ney Semsûr û qezayanê ci de xeylêk çalakîyî ameybî kerdene. 

Nêzdîyê 50 tûtinroşê ke vera dokumentê selahîyetî tewrê çalakîyanê protestoyî bibîyî serê sibayî sereştişê polîsan de ameyî destbendkerdene. Destbendkerdeyî ameyî berdene bi Fermandarîya Cendirmeyan û Mudirîya Asayîşî ya Semsûrî.

Cayanê cîya-cîyayan ê şaristanî de pê wesayîtanê zirxînan leşkerê tirkî ameyî cakerdene.