Mayanê Şemeyî çalakîya hewteyê 1045î de Meydanê Galatasarayî de, aqîbetê Talat Turkogluyî pers kerd. Turkoglu 1ê nîsana 1996î de Îstanbul de amebi destbendkerdene û dima dîyabi vinîkerdene. 

No hewte Hemsereka ÎHDyî Gulserene Yolerî eşkerayîye wende.

Gulserene hîkayeya Turkogluyî wende û vat: ‘’Rixmê xîretanê keyeyê ey, ÎHD û Rêxistina Efû zî aqîbetê Turkogluyî nêame eşkerakerdene. Selahîyetdaran vat ke Talat nêameyo destbendkerdene.’’

Gulserene venga Erdoganî da û vat: ‘’Muxatabê persê ‘gelo merdimanê ma yê vinîbîyayeyan rê se bîyo?’ Erdogan o.’’

Waya Talat Turkogluyî Munube Turkoglu zî dîyar kerd ke seba muhakemekerdişê mesuldaran ê do têkoşîn bikerê.