17ê sibata 2017î de Zîndanê Mûşî de gardîyanan û leşkeran hêrişê koxûşanê cinîyan ser û xeylêk tepişteyî birîndar bibîy.

Mîyanê nê cinîyan de Aytene Beçet zî estbî ke dima aye vera tecrîdkerdişê Rayberê Şarê Kurdî Abdullah Ocalanî bedenê xo dabi adirî ver.

Gardîyan û leşkeranê hêrişkeran gerreyê 19 cinîyan ê tepişteyan zî kerdbi. Îdîaname hetê Hakîmîya Cezaya Aslî ya Mûşî ra ame qebulkerdene û tede tepişteyî pê 'xoverdayîş'î ameyî sûcdarkerdene.

Îdîaname de kitabê bi nameyê ''101 Soruda Demokratik Ozerklik'' (Pê 101 Persan Xoserîya Demokratîke) sey sûcî ame pêşkêşkerdene.