Dezgehan vera darbeya AKP-MHPyî serê îradeyê şarî eşkerayî û mesajê xoverdayîşî dayî.

Yewîya Hêzî ya Demokratîke ya Ewropa eşkerayîya xo de venga rayaumûmîya Ewropa, hêzanê demokratîkan û multecîyan da ke pê çalakîyan têkoşîn bikerê  û vat: ''Faşîzm têna pê xoverdayîşê pêroyî vindeno. Wext wextê xoverdayîş û rijnayîşê faşîzmî yo.''

Konfederasyonê Sendîkayanê Kedkaran ê Umûmîye (KESK) zî vera darbeya serê îradeyê şarî na eşkerayîye daye: ''Şarê ma û kedkarî do wayîrê îradeyê xo bivejîyê, qet qebul nêkerê ke erjanê demokratîkan bêrê wedaritene.''

Têgêrayîşê Cinîyan ê Azadan (TJA) zî mesajê xo de nê çîyî vatî: ''Têkoşînê şaran û cinîyan do qet teslîmê polîtîkayan ê faşîstan nêbo. Ma venga pêro cinîyan û pawitoxanê heqan danê ke blokê demokratîkî xurt bikerê û torra xoverdayîşî geş bikerê.''