Vera Hemserekê verênî yê HDPyî Selahattîn Demîrtaşî seba ke vatbi şuxilnayîşê çekanê kîmyewîyan sûc o dewa ameye akerdene.

Demîrtaşî 19ê teşrîna verêne de hesabê xo yê twitterî de dabi zanayene ke şuxilnayîşê çekanê kîmyewîyan sûc o. Wezîrîya Pawitişî ya Tirkîya derheqê Demîrtaşî de bi îdîaya 'propagandaya rêxistine û qijkerdişê dewlete' gerre kerd û naye ser o dewa ameye akerdene.  

Avûkatanê Demîrtaşî derheqê dewa de eşkerayîye daye û pare kerd ke qiseyê Demîrtaşî unsurê sûcî nîyê û ganî çarçewa azadîya îfadeyan de bêrê ercnayene.