Endama Komeleya Huqûqnasan a Seba Azadîye (OHD) Avûkate Aryene Turan Heyetê Pêroyî yê Baroyê Îzmîrî de 22ê teşrîna verêne de nameyê OHDyî ser o qisey kerdbi û qiseykerdişê xo de waştbi ke hêrişê kîmyewîy wa bêrê cigêrayene, tepişteyê nêweşî bêrê veradayene. Aryene qiseykerdişê xo bi sloganê 'jin, jiyan, azadî' qedînabî.

Serdozgerîya Komare ya Îzmîrî derheqê Turane de 24ê teşrîna verêne de tehqîqatêk dabi destpêkerdene.

Avûkate Aryen Turan vizêr ameye destbendkerdene û kontrolê weşîye ra dima ameye berdene bi Mudirîya Polîsan a Îzmîrî.

OHDyî Amed, Wan, Mersîn û Riha de pê eşkerayîyan destbendkerdişê Turane protesto kerd.

OHDyî eşkerayîye de da zanayene ke waştişê Turane ke bîyê bahaneya destbendkerdişî armanc û krîterê înan ê. OHDyî pare kerd ke ê do tim wayîrê têkoşînê azadîye yê cinîyan vejîyê û vat: ''Aryene Turan têna nîya. Ma venga her kesî danê ke paştî bido Turane. Ma hetê embaza xo de yê. Ma do vera nê astengkerdişê serê azadîye sereyê xo nêarê war.''