Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra kişîyayî lajê xo Ferît Şenyaşarî reyde 294 rojî yo verê Edlîyeya Riha de nobeta edaletî gêna.

Vera Emîne Şenyaşar bî îdîaya ke Wekîlê AKPyî Îbrahîm Halîl Yildizî rê heqaret kerdo dewayêka bîne ameye akerdene. Verî bi îdîaya 'wezîfedarê umumîye rê heqaret kerdo' vera dayîke Emîne îdîaname amebi akerdene. Îdîaname de Yildizî sey gerrekerî ca girewt.

Emîne Şenyaşar 16ê êlule de verê edlîye de wina vatbi: ''No Halîl faîz weno, dizd o, bikewê peyê dizdîya ci, bivînê ke ey çend kesî kiştê.'' Nê vateyê Emîne Şenyaşar hetê mehkemeya dewleta tirke ra sey sûcî dîyayî. Îdîaname de ame vatene ke vateyê aye 'çew qij visnenê.'

Mehkemeya Cezaya Eslî ya Anqara îdîaname qebul kerd û bire daye ke Emîne Şenyaşar bêra muhakemekerdene.

Verî zî 'heqaretê vera Yildizî û Suleyman Soyluyî' ra vera Emîne Şenyaşarî dewayî ameybî akerdene û dima zî nê dewayî ameyî yewkerdene.