Konfederasyonê Komelanê Kurdîstanijan ê Almanya (KON-MED) bi eşkerayîyêke bale ante hêrişanê kîmyewîyan ê dewleta tirke ser. KON-MEDî da zanayene ke înan vera hêrişanê bi çeka kîmyewîye ya dewleta tirke ya îşxalkere û bêvengîya hukmatê Almanya dest pê kampanyaya îmzayan kerd.

KON-MEDî vat: ''Ma sey kurdîstanijanê Almanyan, meclîs û federasyonanê xo, dezgehanê xo yê bawerîyan û şaranê demokratan-şorişgêran wazenê tewrê na kampanyaya îmzayan bibê û vera hêrişanê kîmyewîyan nêrazîbîyayîşê xo bimojnê.''

KON-MEDî venga hukmatê Almanya da û nê waştişî ardî ziwan:

''-Ma Rêxistina Qedexekerdişê Çekan ê Kîmyewîyan (OPCW) ra wazenê ke îdîayanê şuxilîyayîşê çeka kîmyewîye cibigêra.

-Hêrişê kîmyewî yê Tirkîya bi hawayêkê eşkerayî bêrê şermezarkerdene, peynîya hemkarîya bi Erdoganî bêra ardene û Tirkîya rê ambargoyî bêrê ferzkerdene.

-Krîterê Peymana Huqûqê Mîyanneteweyî û Peymana vera Çekanê Kîmyewîyan bêrê caardene.

-Wa hukmato federal paştî medo rejîmêkê winasênî ke krîteranê huqûqê mîyanneteweyî binpay keno.

-Hukmatê Almanya yo ke hemkaro tewr girîng ê ekonomîya Tirkîya yo û hemkarêkê NATOyî yo tedaya Tirkîya bikero ke Tirkîya ronişa masaya dîyalogan.

Lînkê kampanya no yo: