Dewleta tirke ya îşxalkere bîn şewe bi hewayêkê hemwexatî pê teyarayanê şerî hêrişê Rojawan û Qendîlî kerd. Hemserekanê KCDK-E û KON-MEDî veng da kurdan û dostanê înan ke wa har ca de vejîyê waran û vera hêrişanê qirkerdişî Kurdîstanî bipawê.

KCDK-E: ''Dewleta tirke bi hewayêkê hemwextî hêrişê Qendîl û Rojawanî kena. Herra Kurdîstanî û waranê sîvlîlan dana bombayan ver.  Ça beno wa bibo ma cade vera hêrişanê qirkerdişî vejîya waran û dewleta tirke rê vajê bes o. Badê senaryoyê Taksîmî Rojawan ame hedefkerdene. Wazenê ke şarê kurdî û destkewteyanê ci îmha bikerê. Rojawano ke DAÎŞ bin vist û bi gonîya bi hezaran gerîlayan bi azad yeno waştene ke rayna bêro tarîkerdene. Qet yew kurdîstanij nêeşkeno vera nê bêveng bimano. Ganî her kes cade vejîyao waran û tewirê xo ramojno. Reyna ma hêzanê mîyanneteweyîyan şermezar kenê  ke warê teyaranê xo dewleta tirke rê akenê. Ma sey KCDK-E pîya bi heme dezgehanê pabesteyanê xo veng danê her kesî ke wayîrê Kurdîstanî vejîyo.''

KON-MED: ''Dewleta tirke ya faşîste dest pê hêrişê hîrayî kerd. Dewleta tirke ya îşxalkere qirkerdişan rê dewam kena. Waranê ke bi hezaran kesî tede yê de qirkerdiş kena. Çîyo ke DAÎŞ nêeşka bikero dewleta tirke narey wazana pê destê xo bikero. Ma do vera nê hêrişan bêveng memanê û sere de Rojawan heme Kurdîstanî bipawê. Ma veng  da danê hêzanê mîyanneteweyîyî ke wa nê hêrişan vindarnê. Şarê kurdî têkoşînê vera DAÎŞî de rumetê merdimîye pawit.  Vera nê ganî destkewteyê kurdan bêrê pawitene. Roje roja wayrîvejîyayîşê vîrameyîşê şehîdanê ma ya. Wa heme şarê ma û dostê ci ca de vejîya waran û Kurdîstanî bipawê.''