Konfedarasyonê Komeleyanê Kurdistanijan ê Almanya (KON-MED) 1ê Êlule Roja Haştîye ya Dinya pîroz kerd û semedê tewrbîyayîşê çalakîyan veng da.

Eşkerayîye de nê ameyî parekerdene: ''Rejîmo fasît ê Erdogan-AKP-MHPyî yo ke wextê xo yê tewr tehlukeyin de yo û peynîya ci nizdî bîya seba ke emrê xo derg bikero, şerê xo yê vera Kurdîstanî xurtêr kerdo. Dewleta tirke hêrişê îşxalî yê vera herêmanê Metîna, Avaşîn û Zapî yê Herêmanê Pawitişî yê Medya de çekanê kîmyewîyan şuxulnena. Eşkera yo ke nê hêrişî semedê qirkerdişê kurdan yenê kerdene. Heme dewlete NATOyî hemkarê sûçê terorî yê dewleta tirke yê. Bitaybatî hukmatê Almanya hemkarê sûçî yo. Hetê ekonomî û sîyasîyî ra paştî dano dewleta tirke. Tirkîya rê sewqîyatê çeke beno. Wesayîtê hewayî yê bêmerdimî yê ke qirkerdişan de yenê şuxulnayene pê teknolojîya almanî ameyî viraştene.

Semedê tecrîdê serê Rayberîya me hinda sebrê şarê ma nêmendo, şar hêrbîyaye yo. No proseso ke ma têkoşînê azadîye de fînalî rê nizdî bîyî rêjîmo faşîst yê AKP-MHPyî do binê nê prosesî de bimano. Ganî şarê ma û heme hetê ke azadîye û demokrasîyî wazenê vera nê hêrişan topyekun dahîna radîkal têkoşîn bikerê. 1ê Êlule Roja Haştîye ya Dinya de ma do bi şîarê 'Ocalanî rê azadîye Kurdîstanî rê haştîye' vejîyê waran. Ma sey KON-MEDî sere de şarê kurdî ma veng danê her kesî ke tewrê aktîvîteyanê roja haştîye bibo û vera şeran vengê haştîye berz bikero.''