Zanîngehê Quaîd Azam ê Îslamabadî  ra Dr. Pervez Hoodbhoyî vat: "Amerîka şarê kuradan eşt destê Dewleta Tirkan û DAÎŞî û na bêbextîyêka pîl a. Ez nameyê pakîstanijan ser o paşt dana şervananê Kurdan ê ke xo ver danê."

Nuştoxe Dubravka Ugrezica Hirvate vat: "Sey her kes ez zî heyrana cinîyanê Rojawanî ya. Bi fikrê xo yê femînîst ez  paşt dana dewaya înan. Ganî ma zerrîya xo bikê yew. "

Hetkarê serekî yê verên ê PENî Lucina Kathmann û Serekê PENê San Mîguelî Judyth Hîllî beyanatêko hempar weşana û vat: "Hêrişê vera têkoşîn û azadîya Kurdan yena meneya hêrişê vera heqanê ma û ma wazenê ke operasyonê leşkerî yê ke Sûrîye ser o yenê kerdene bêro vindertene. Ma pare kenê ke ma paşt danê têkoşînê şarê kurdan."

Partîya Yewbîyayîşî ya Afganîstanî (SPA) zî beyanatêk pare kerd û vat: "Babîyê DAÎŞî Erdoganî reyna hêrişê şarê Rojawanî kerd. Ma zanenê ke DYA îxanetê Kurdan kerd. Nika wext wextê xoverdayîşî yo û ma şarê Rojawanî yê xoverdayoxî ra îlham bigêrê. Ganî ma têkoşînêkê hempar bikê û paşt bidê yewbînan."