Ciwananê kurdan xeylêk şaristanan de seba ke PKK lîsteya terorî ra bêro vetene û Rayberê Şarê Kurdî Abdullah Ocalanî bêro azadkerdene standî nayî ro û îmzayî arê dayî.

Şaristanê Stockholmî yê Swêdî de ciwanan stand de agahîyî dayî, broşurî vila kerdî û îfade kerd ke qedexeyê vera PKKyî sîyasî yo. Şarî zaf eleqe mojna standî.

Şaristanê Frankfurtî yê Almanya de serkêşîya aktîvîstanê YXK û JXKyî de standêk ame akerdene. Stand de seba azadîya Ocalanî û vera qedexeyê serê PKKyî îmzayî arê dîyayî.

Şaristanê Mainzî yê Almanya de zî aktîvîstanê JXKyî çarçewa Hemleya 'Werin Cenga Azadiyê' de Zanîngehê Johannes-Gutenbergî de standêk akerd. Cinîyan ê ciwanan da zanayene ke seba azadîya Ocalanî û vera qedexeyê PKKyî xebatê înan do dewam bikerê.