Qezaya Şaxî ya Wanî de di hemwelatîyan Servet Tûrgût û Osman Şîbanî rê hetê leşkeran ra îşkence amebi kerdene û dima wirdî zî helîkopterî ra ameybî eştene war. Rojnamegerê ke xebera nê îşkenceyî kerdbî ameybî destbendkerdene û tepiştene.

Wayîrê Îmtîyazî yê MA Ferhat Çelîkî û Wayîrê Îmtîyazî yê Jiyanî Îdrîs Yaylayî zî îşkenceyî ser o xebera 'bira îşkence û destbendkerdişê rojnamegeran heman dozgerî daye' kerdbî. Na xebere ra Serdozgerîya Komare ya Wanî vera Yayla û Çelîkî tehqîqat dabi destpêkerdene. Îdîanameyê tehqîqatî ame temamkerdene û erşawîya Mehkemeya Cezaya Girane ya Wanî. Mehkeme îdîaname qebul kerd û vera wird rojnamegeran dewa akerde.

Roniştişo verên ê dewa 22ê teşrîna peyêne de yo.