Hewteyê vîyarteyî de cadeyê Maraşî yê Wanî de, rotoxo rotoxê gêrok Ugur Acaro ke 24 serre û se ra 65 astengdar o, hetê zabitayanê qeyûmî ra ame derbkerdene û 3 rojan servîsê ciewnîyayîşê giranî de mend.

Acar dima ke nêweşxaneyî ra vejîya, cade derheqê ey de bi îdîaya 'vera karmendan vejîyayîş' tehqîqat ame akerdene û Acarî asayîş de îfade da.

Ugur Acaro ke kuçeyan de çay roşeno qala serebûtî kerd. Acarî da zanayene ke wexto ke zabitayan mudaxeleyê erebeyê ci yê gêrokî kerdêne, awa germine ya çayî verdîyaya înan ser. Acarî vat: ''Zabitayan paskilî eştî mi. Ez xo ra şîya. Mi waşt ez wurza we la 15-20 zabitayan pê kolîyan hêrişê mi kerd. Mi va ez astengdar a la înan reyna zî da mi ro û nêngî çinayî. Dima înan ez berda merkezê polîsan. Ez 3 rojî nêweşxane de menda. Bedenê mi şikîya. Raporê ke mi nêweşxaneyî ra girewtî, îsbatê ney ê.''