Hemserekîya KON-MEDî bi eşkerayîyêke bale ante serrgêra 23. ya Komployê Mîyanneteweyî ser. KON-MEDî îfade kerd ke bi rayîrê tecrîdî şexsê Rayberê Şarê Kurdî Abdullah Ocalanî de pêro kurdî yenê tecrîdkerdene û ard ziwan ke hînî kurdî tecrîdî rê tehamul nêkenê azadîya Ocalanî wazenê.

KON-MEDî hêrişê kîmyewî yê dewleta tirke vistî vîrî û da zanayene ke dewleta tirke tecrîdî xo rê firsen vînena û wazena pêro kurdan qetil bikera. KON-MEDî vat: ''Dewleta tirke pê hemkarîya PDK û hêzanê mîyanneteweyîyan xîret kena ke vera gerîlayan ser bikewa la heta nika netîceyêke nêviste destî. Dewleta tirke Başûr de vera gerîlayan çeka kîmyewîye şuxilnena la OPCW û rêxistinê bînî rixmê hende delîl û dokumentan zî vera Tirkîya gamêke nêerzenê. Ma venga CPT û OPCWyî danê ke vera tecrîdî û hêrişanê kîmyewîyan têbigêrê.

Ma venga şarê xo yê Ewropa û dostanê xo danê ke semedê azadîya Rayber Apoyî, vera îşxalî û hêrişanê kîmyewîyan 13ê teşrîna peyêne de pê ruhê seferberîye tewrê çalakîya Strasbourgî bibê.''