Hetkara Hemserekanê HDPyî Tulaye Hatîmogullari keyeyê xo yê Anqara de bîye hedefa cehdkerdişê hêrişî.

Tulaye Hatîmogullari ard ziwan ke roja 24ê êlule de di kesî ameyî verê berê aye, înan xo sey polîsan da şinasnayene û cehd kerd ke bikewê zere. Tulaye Hatîmogullari vat: ''Di polîsî ameyî keyeyê mi û bi israr waştêne ke ez berî abikera. Mi înan rê vat ke ez wekîl a. Mi înan rê vat ke ê xo agahîye bidê asayîşî. Ma do babete ser o agahîyanê hîrayan siba eşkera bikerê.''

Tulaye Hatîmogullari da zanayene ke derheqê serebûtî de înan dest pê karanê huqûqî kerd.

Ewro 11.30 de Merkezê Pêroyî yê HDPyî de Tulaye Hatîmogullari û Hetkarê Hemserekan ê Pêroyîyan ê HDPyî yê Heqanê Merdiman û Huqûqî ra Berpirsîyar Umît Dede derheqê babete de eşkerayîye bidê.