Înîsîyatîfê Paştdayîşê bi Tepişteyan verê Zîndanê Bakirkoyî de tecrîdê vera Rayberê Şarê Kurdî Abdullah Ocalanî protesto kerd, xoverdayîşê grevê vêşanîye yê zîndanan selam kerd. Wekîla HDPyî ya Îstanbulî Zuleyha Gulum zî tewra çalakîye bîye. Çalakîye de sloganê sey 'Tecrîd kişeno, paştdayîş dano ciwîyayene', 'Biciwîyo xoverdayîşê zîndanan' ameyî vatene.

Gulume çalakîye de qisey kerd û pare kerd ke îqtîdar vera tepişteyan huqûqê dişmenîye ano ca û heqanê tepişteyan binpay keno. Gulume vat: ''Vera tecrîdî ger roje vengî benê berz. Tecrîd Îmraliyî ra pêro zîndanan rê vila bi. Tecrîdkerdişê Birêz Ocalanî tecrîdkerdişê haştîye yo. Wa tecrîd bêro wedaritene.''

Endama Înîsîyatîfî Fatma Yildirim eşkerayîye wende û vat: ''Zîndanan de astengkerdişê heqê têkilîye binpaykerdişê heqê merdiman o. Zîndanan de hema zî prosesê normalîzebîyayîşî dest pênêkerd. Hema zî qedexeyê pandemî dewam kenê. Ganî zîndanan de pêro qedexeyî bêrê wedaritene. Ma do bibê vengê tepişteyan.''