Akademîsyenanê Seba Haştîye yê Almanya (BAK-ALMANYA) paytextê Almanya Berlin de tepişîyayîşê rojnamegeranê kurdan û Sereka TTByî Şebneme Korur Fîncanci bi eşkerayîyêke protesto kerd.

Eşkerayîye de ame vatene ke şuxilnayîşê çekanê kîmyewîyan verê xerakerdişî akeno û goreyê peyman û protokolanê mîyanneteweyîyan sûc o. Akademîsyenan vaşt ke ganî rojnamegerê kurdî û Fîncanciye cade vera bidîyê û heyetê xoserî herême de şuxilnayîşê çekanê kîmyewîyan ser o cigêrayîş bikerê.