Keyeyanê tepişteyanê nêweşan û tepişteyanê ke înfazê înan ame vêşnayene roja 280. ya Nobeta Edaletî de verê Zîndanê Amedî de eşkerayîye daye. HDP, DBP, MED-DER, MEBYA-DER û TUAY-DERî zî paştî daye çalakîye.

Nazîme Boltana ke dadîya tepişteyê nêweşî Civan Boltanî ya çalakîye de îfade kerd ke bi mengan o çew vengê çalakîyanê înan nêeşnaweno. Boltanîe pare kerd ke ê seba edaletî çalakîye kenê û veng da ke wa qanûn bêro vetene û tepişteyê nêweşî bêrê veradayene.

Boltane vat: ''Seba ke tepişteyê ma zîndanî ra bi weşî vejîyê ma têkoşîn kenê. Wa domanê ma bêrê dermankerdene. Eke nêkenê wa vera bidê ma derman bikerê. Eke serekkomar û wezîran de wijdan est bîyêne ma fam kerdêne. Ma têna wazenê ke tepişteyê nêweşî bêrê veradayene.''