Rêxistinanê dinya pare kerd ke pêr dinya de vera rayberanê têkoşînê şorişgêrî gamê taybetî estê û seba 18ê Adare Roja Tepişteyanê Polîtîkan seba ke tepişteyê nêweş û polîtîkî bêrê veradayene çalakîyî bêrê kerdene.
Rota Hilfe (Hetkarîya Sûre), Komîteya Paştdayîşê bi Tepişteyanê Polîtîkayan a Mîyanneteweyî (UPOTUDAK), Platformê Vengê Tepişteyan (TSP), Torra Paştdayîşê bi Tepişteyanê Filîstînijan (SAMIDOUN) û Komîteya Koordînasyonê Azadîya Tepişteyanê Şorişgêran ê Dinya û Paştdayîşê Mîyanneteweyî seba 18ê Adare Roja Tepişteyanê Polîtîkan eşkerayîyêka hempare daye û waşt ke pêro tepişteyê nêweş û polîtîkî bêrê veradayene.
Rêxistina Rota Hilfe serra 1920î de hetê Kominternî ra amebî awankerdene û serra 1923î de ronayîyaye. Seba na roje Rota Hilfe waşt ke Bruksel, Zurih û Nurnberg de seba tepişteyan çalakîyî bêrê kerdene.
Eşkerayîya hempare de wina ame vatene: ''Şertê giranî yê serê Rayberê Têgêrayîşê Azadîya Kurdîstanî Abdullah Ocalan û bi des hezaran tepişteyanê polîtîkan ê zîndanan est ê. Zîndananê Tirkîya de 600ê ci bi giranî 1600 tepişteyê nêweşî est ê. Nê tepişteyî terkê mergî bîyî. 2 serran de 59 tepişteyan Tirkîya de dinyaya xo bedilnaye.
Seba ke tepişteyê nêweşî bêrê tedawîkerdene wa cade vera bidîyê. Ma venga hêzanê muxalîfan ê Ewropa danê ke wayîrê tepişteyan vejîyê.''
