Wan de leşkeranê tirkan kesêk qetil kerd

Dewa Azvêrkî ya qezaya Seravî ya Wanî de Seyîthan Durdu hetê leşkeranê tirkan ra ame qetilkerdene.

Dewa Azvêrkî ya qezaya Seravî ya Wanî de hemwelatîyo bi nameyê Seyîthan Durdu bi fîşekê ke hetê wesayîtê leşkerî yê  tirkan ra ame  teqnayene, ame qetilkerdene.

Durduyo ke saete 04.00 de bi astorî ver bi herêma Rêya Lazî şîyêne, rayîrê dewam Axûrk de wesayîtê leşkerî yê artêşa tirke ra vera ci fîşek ame eştene.

Şahîdan vat; Gama ke wesayîtê leşkerî ra fîşek nîya pa Durdu astorî ra gina war bi giranî birîndar bi. Ame musayene ke Durdu xeylê wext birîndar erdî de mend. Durdu bi hetkarîya şarî ame berdene Nêweşxaneyê Dewlete yê Qelqelî. Seyîthan Durdu hema nêresabi nêweşxaneyî ke gonîya zerrîya ra dinyaya xo bedilnaye. Cenazaya Durduyî semedê otopsî şawîyaye Wanî.