Krîzo ekonomîko ke netîceya polîtîkayanê îqtîdarê AKP-MHPyî de qewimîyeno, vera beno pîlêr. Roniştoxanê Wanî derheqê krîzî de ANFyî rê qisey kerd.

Aydin Turkmenî îfade kerd ke ê krîzî ra nêeşkenê debara xo bikerê û vat: ''Ameyeyê ma werteyê serre de qedîya. 8 mengî yo ez bêkar a. Par bi 400 lîra ez eşkeyêne pêro hajanê keyeyî bihêrîna, emser werdê bi 400 lîra 3 rojan qîm nêkeno. Faturayî zêdîyayî. Rewşa winasêne de debare zaf bîya zehmet.''

Şengule Meydan zî ard ziwan ke 7 ferdanê keyeyê ci ra têna a xebitîyena, mêrdeyê ci bêkar o û meaşê aye zî 2 hezar û 800 lîra yo. Şengule vat: ''Ma pê nê meaşî senî xo bidevirnê. Meaşê mi faturayan rê zî nêvejîyeno. Ma her menge cayêkî ra deyn kenê. Ez û mêrdeyê mi, ma di serrî yo xo rê solan nêhêrinenê. Ma de yew kêf nêmendo. Ma domananê xo fikirîyenê. Ma seba înan xo ver danê.''