Heyetê Komeleya Huqûqnasan ê Azadan (OHD), Baroyê Wanî û Şubeyê Wanî yê Komeleya Heqanê Merdiman (ÎHD) dewa Şêxanî ya qezaya Payîzava ya Wanî de derheqê projeyê ocaxê mermeran de raporê xo kerd temam.

Raporê heyetî de ame parekerdene ke prosesê Ercnayîşê Tesîrê Xoza (ÇED) hema zî dewam keno coka nêbeno ke şîrkete ocaxê madenan bixebitna.

Rapor de serebûto ke cendirmeyanê tirkan dewijî dabî guleyan ver ame vîrvistene û ame vatene ke bêagahdarkerdiş û şîyarkerdişê dewijan karê rijnayîşî dest pêkerd. Rapor de dîya zanayene ke dewijî seba ke verê rijnayîşî bigêrê şîyî warê ocaxî la maruzê hêrişê cendirmeyan mendî.

Heyetî raporê xo de pare kerd ke 4 dewijî wextê serebûtî de pê şîdetî ameyî destbendkerdene û hêzanê dewlete vera dewijan bombayê gazî şuxilîyayî ke serê gazî de 'tehlukeyîn ê' nusîyeno û wextê ci vîyarto.