Waştişê avûkatan ê derheqê Îmralîyî de ameyî redkerdene
Avûkatanê Rayberê Şarê Kurdî Abdullah Ocalanî muracat kerdbi ke derheqê tedbîranê vera Korona yê semedê Îmaliyî de zanayîş bîgêrê û telefon bikerê. Waştîşê avûkatan ameyî redkerdene.
Avûkatanê Buroyê Huqûqî yê Asrinî waşt ke rîyê vîrusê Korona ra wa semedê Rayberê Şarê Kurdî Abdullah Ocalan, Hamîlî Yildirim, Omer Hayrî Konar û Veysî Aktaşî tedbîrî bêrê girewtene û derheqê nê tedbîran de zanayîş bidîyo înan. Muracatê Avûkatan hetê Serdozgerîya Komare ya Bursa ame redkerdene.
Reyna muracatê telefon de qiseykerdişî zî ame redkerdene. Semedê redkerdişê muracatî ame vatene ke 13ê sibata 2020î de derheqê Abdullah Ocalan, Hamîlî Yildirim, Omer Hayrî Konar û Veysî Aktaşî de heta şeş mengan qerarê astenkerdişî ameyo dayene.
