Hedla Aksuya 84 serre 20ê hezîrane de nêweşîya zerrî û tansîyonî ra Nêweşxaneyê Dewlete yê Torbaliyî de dinyaya xo bedilnaye.

Hedla Aksu waştêne reya peyêne lajê xo bivîna. Seba caardişê nê waştişî ganî nêweşxaneyî raporêk amade bikerdêne. Dayîke Hedla rixmo ke rewşa ci ya ekonomîke hol nêbibî şîyêne nêweşxaneyanê taybetan zî. La hem nêweşxaneyan hem zî îdareyê zîndanî goş nêda waştişê aye.

Dima ke aye dinyaya xo bedilnaye îdareyê zîndanî seba ke Albulkadîr Aksuyî bîyaro cenaza keyeyî ra pere waşt.

Îdareyê Zîndanî keyeyî rê telefon de wina vat: ''Seba ke ma Aksuyî bîyare tezîye ganî şima 3 hezar û 500 lîra bidê.''

Keyeyî pare kerd ke eke ê pereyî bişawê Aksu do bêro ardene tezîye. La narey zî seba ke roja yewşemeyî yo şawitişê pereyî nêame qebulkerdene.

Astengîyan ra dima cenaza ameye definkerdene. Keye Torbali de banê xo de serweşîyan qebul keno.