Endamê Heyetê Rayberdişî yê DÎSKî û Serekê Gida-ÎŞî Seyîd Aslanî da zanayene ke  1ê gulane de qezaya Maltepe ya Îstanbulî de karkerî vejîyê meydanan û waştişanê xo bîyarê ziwan.

Aslanî vist vîrî ke bêkarîye vera zêdîyena û vat: ''Her çi beno vay. Merdimî sînorê vêşanîye de yê. Mîyanê rewşa winasêne de ma hê ver bi 1ê Gulane şinê. Zeman ra agêrayîş, sifirkerdişê bacan û faturayan, newe ra ercnayîşê zeman, raştkerdişê meaşê asgarîyî; 1ê Gulane de waştişê ma nê yê. Ganî seba pêro karkeran krîterê asayîşî bêrê caardene, bi rayîranê demokratîkan meseleya kurdan bêra çareserkerdene.

Meseleyê pêro karkeran seyci yê. Wa şert û mertê xebitîyayîşî bêrê raştkerdene. Ma 1ê Gulane de karê têdûştî, meaşê têdûştî biwazê.''