90 kesanê ke serra 2015î tewrê aktîvîteyêke bîyî û waşt ke wa ziwanê dayîke de perwerde bêro dayene, derheqê înan de cezaya hepîsî ameye dayene.

Îzmîr 2015 de bi waştişê perwerdeyê ziwanê dayîke rayberîya Sendîkaya Kedkeran ê Zansstî (Egîtîm-Sen) ya pabesteya Konfederasyonê Sendîkayanê Kedkeran (KESK) û komeleyanê elewîyan de aktîvîteyêke amebî organîzekerdene. Polîsan hêrişê aktîvîteye kerdbi û derheqê 90 kesan de dewa amebî akerdene. Ronişitşê 15. ya dewa çend rojî cuwaver ame viraştene û ewro qerar ame eşkerakerdene. Ame zanayene ke mehkeme derheqê 90 kesan de cîya cîya seba 5 aşman cezaya hepisî daye.