Waştişê texlîyaya hemsereko verên ê Partîya Demokratîke ya Şaran (HDP) Selahattîn Demîrtaşo ke 4ê teşrîna peyêna 2016î ra nata Zîndanê Edîrne de yo bê ramotişê sebebêkî ame redkerdene.

Avûkatê Demîrtatî Mahsunî Karamanî derehqê babete de hesabê xo yê Tewîtterî ser ra eşkerayîyêke daye û wina vat: ''Birêz Dermîrtaşo ke xeylêk nêweşîye ci estê binê rîskê janê Korona de yo. Ma semedê texlîyaya ey muracat kerdbi badê di hewteyan muracatê ma ame redkerdene û qet sebebêk zî nêame vatene. Birêz Demîrtaş û birêze Fîgenge Yuksekdag tehqîqeto ke şikdarê ci zî nîyê ra ameyî tepiştene. Şima de o cesaret çîno ke înan veradê û rîyê şima çîno ke sebebêk binusê û vajê qey qerar ameyo redkerdene.''