Tepişteyê Zîndanê Metrîsî Abdullah Turano ke felc o, muracatê seba veradayîşê ci rixmê raporê 'nêeşkeno zîndan de bimano' yê Mehkemeya Qanûnê Bingeyî (AYM) ame redkerdene.

Turan 24ê teşrîna peyêne de 2 reyan wedarîyabi nêweşxane û dima erşawîyabi zîndan. Muracatê seba veradayîşê Turanî bi bahaneya 'zîndan de tedawîya ci yena kerdene' ame redkerdene.

Avûkat Vedat Eceyî da zanayene ke 7ê kanûne de Turan reyna wedarîya nêweşxane la semedo ke Korona ra ca çinbi apey erşawîya zîndanî. Eceyî pare kerd ke rewşa Turanî giran a û ganî cade bêro veradayene.