Netîceyê Musabeqaya Rojnamegerîye ya Şehîdanê Çapemenîye Azade ya Musa Anterî ya 29. eşkera bîyî. Musabeqa hetê Rojnameyê Yeni Yaşamî ra yena serûberkerdene û tede beşê 'Xebera Tirkî', 'Fotograf', 'Xebera Kurdkî', 'Karîkatur' û 'Muxabîrîya Cinîyan' est ê.

Xelatî 23ê êlule de Merkezê Kulturî yê Şaristanî yê Cemîl Candaşî yê Şaredarîya Şîşlî yê Îstanbulî de, saete 18.00 de bi merasîmêkî do bêrê dayene.

Xebera 'Mergê şikdarî yê Zîndanê Aydinî: Kişîyayîş yan zî Xokiştiş' a rojnamegeranê ajansê Mezopotamya (MA) Semra Turan û Tolga Guney xelata taybete ya jurîye girewte.

Beşê Xebera Tirkî de xebera 'Îdîaya tecawuzê vera domana 2 serre' ya rojnamegera Bîanetî Evrîme Kepenek xelate girewte.

Beşê fotografî de fotografê cenazaya Hakan Arslanî ya ke esteyê ci tewreyêk de dîyabî, layîqê xelate ameye dîyene ke fotograf hetê muxabîra MA Eyleme Akdag ra amebi girewtene.

Beşê Xebera Kurdkî de xebera 'Manaya bilibendî û çend sirê Kurdish Mashupî' ya rojnamegera Dengê Emerîka Omer Faruk Baranî xelete girewte.

Xelata taybete ya jurîye ya xebera kurdkî zî dîyaye xebera 'Derheqê hêrişê nîjadperestî yê Kazakîstanî de agahîyê neweyî' yê rojnamegera Jinnewsî Medya Uren.

Xelata muxabîrîya cinîyan dîyaye xebera 'Polîsî eşt ser; dozger, doktor û polîsan nimna' ya Mudira Karanê Nuşteyî ya Jinnewsî Safîye Alagaş.

Xelata karîkaturî dîyaye karîkaturê 'Atlasli' yê Ozgur Evran' û kaarîkaturê 'cesedo ke tira vilikî zîl benê' yê Murat Îpekî.

Xelata Rûmetî zî dîyaye dadîyanê Nobeta Edaletî.