Paytextê Belçîka Bruksel de kombîyayîşê Yewîya Ewropa (YE) de provakasyon û têkilîyê rejîmê Erdoganî do bêrê ercnayene.

Qibris û Yunanîstan isrardar ê ke vera Tirkîya ambargo bêro kerdene. Serekê Koma Partîya Şarî ya Ewropa (EVP) ya ke koma tewr pîle ya Parlamentoya Ewropa ya, Manfred Weberî venga lîderan da.

Weberî vat: ''Ganî peynîya kay û provakkasyonanê Erdoganî bêra ardene.'' Weberî waşt vera Tirkîya ambargo bêro caardene.

Weberî Rojnameyê Bildî rê qisey kerd û ard ziwan ke herinda Tirkîya ganî vera hukmatê Anqara amabargo bêro kerdene. Weberî bi taybetî venga Fransa û Almanya da û vat: ''Ganî hukmatê Fransa û Almanya zêdêr nêfikirê û Tirkîya rê hînî çekan meroşê.''

Eqsê Qibris, Yunanîstan Almanya derheqê babete de nerm a.

Goreyê xebera Reutersî ya ke metnê ambargoyê vera Tirkîya vist dest, ambargoyê vera Tirkîya do zêdêr û giranêr bibê. Dîplomatêkê Qibrisî zî na xebere raşt kerde.